Rezension - Paarungszeit von Claudia Brendler

Knaur 
336 Seiten
ISBN: 978-3-426-21364-3
erschienen am 02.04.2013
http://www.droemer-knaur.de/buch/7784823/paarungszeit













Inhalt



Therese, a Frau im besten Alter, wui in dem scheena bayrischen Dorf Neuenthal, Bürgameisterin werdn. Sie steckt mittm im Wahlkampf und versucht ois, um se gega ihrn größten Konkurrenten, den Fredl, durchzumsetzen. A da amtierende Bürgermeister Strobl hod wos dagegen, dass in Zukunft a Weibsbuild de „Regentschaft“ übernehma soll.
Gleichzeitig hod Therese a mit ihrer Pension, ihrm Café und ihrm Trachtenlodn vui zum doa. Außerdem werd boid ihr Tochter Susn heiratn und is grod no verzweifelt auf der Suche nach dem richtign Brautkleid. Da Timo, da zukünfitge Schwiegersohn, gfoillt da Therese zwar gor ned, aber sie konn ihrer Tochter do a ned neiredn und de Susn werd a vo soiber no merka, dass er vielleicht ned da Richtige is.  Für de Hochzeit taucht jetzat a no da Vater vo da Susn auf und bringt de Gefühle von Therese ganz durcheinander.
Kurz drauf fallen a no französische Touristen in den Ort ei und werdn bei da Therese in da Pension unterbrocht. Zu der Gruppn ghört a de französische Erotik-Autorin Delphine de Brulée, de mit ihre Romane scho für Gesprächsstoff bei de Neuenthaler Klatschweiber gsorgt hod und jetzat wos persönlich do is, de Gerüchteküche erst recht oheizt.
Ois mitnand ergibt a pfundigs Durcheinander, bei dem a de Liab ned zu kurz kimmt. 

Meinung


Für mi war „Paarungszeit“ vo da Claudia Brendler a super Buach. Es is guad zum lesen und an manche Stelln ko ma se des Lacha wirklich ned verkneifn. A bisserl schwierig san de vielen Personen de a Rolle spuin, wei ma da leicht a moi oan verwechselt. Wenn ma si aber erst amoi eiglesen hod, dann haut des scho hi.

Falls jemand Probleme beim Lesen meiner Rezension hat, helfe ich natürlich gerne bei der Übersetzung!
 


CONVERSATION

1 Kommentare:

  1. Hallo Minky,

    so eine Rezi habe ich ja noch nie gelesen, aber was für ein Spaß :-)

    Und übrigens ich habe dich getaggt :-)

    http://sharonbakerliest.blogspot.de/2013/06/ich-wrude-getaggt.html

    Ganz liebe Grüße
    Sharon

    AntwortenLöschen

Back
to top